*मेरु प्यारु उत्तराखंड*
*मेरु प्यारु उत्तराखंड*
ऊंचा डांडा कांठा यख,
जीवन प्यारू बारामासा यख,
हंसी खुशी अर प्यार प्रेम मा,
दाना स्याणो कु आशीर्वाद च यख,
बिराणों तें अपड़ू बड़े दयों
यन खास चमत्कार च यख,
मोक्ष अर पुण्य की धरती दगड़ी
चारों धामों कु वास च यख,
जिंदगी की चुनौतियों मा,
मेहनत कु अंबार च यख,
देश विदेशों ते आकर्षित करदी,
यन प्यारी सौगात च यख,
देवभूमि का नौ से प्रसिद्ध जग मा,
यन आध्यात्मिक बात च यख,
हर एक का दिल मा बस जो
यन पर्यटन की भरमार च यख,
बर्फीलु हिमालय दगड़ी,
गंगा की शीतलता च यख,
हरया भरया बुग्याल छीन त,
फूलों की घाटी जन उद्यान भी यख,
पहाड़ जन मजबूत हौसला छीन त,
प्यार भी बेशुमार च यख,
सांस्कृतिक विवधता की चमक
मा एकता की स्वाणी झलक च यख...!
प्राची डिमरी
Comments
Post a Comment